告别小透明

T-shirt。佢一见我就摊开手：

    「生日快乐！今晚裕民坊模型王国新到MG1/100翼高达，我哋通宵砌！」

    我把一粒烧卖塞畀佢，佢食到满嘴油。巴士嚟咗，我哋企上层前面，风吹到头发乱晒，但好舒服。

    七点二十五，顺安中学。

    校门口迫到水泄不通，我同阿俊企最角落。早会升旗，英国旗同香港旗一齐升，我望住块旗发呆，心谂：再九个半月就唔使升英国旗，会唔会真系五十年不变？训导主任喺台训话，话今年会考改制，我哋系最後一届旧制，压力要大啲。我低头画速写，把训导主任嘅飞机头画到更飞。

    七点五十五，分班名单出咗。

    我同阿俊都喺中四C。我行入课室，後面已经坐满人。我拣咗倒数第二行、靠窗嗰个位，坐低就继续画EVA初号机。

    突然，一把好清脆嘅声音响起：

    「同学，呢度有人未？」

    我抬头，见到一个长直黑发、齐浏海、校服着得好整齐嘅nV仔企喺我枱边。佢皮肤好白，眼睛好大，带住少少近视嘅水光，嘴角有两个好浅嘅酒洼。

    我呆咗半秒，点头。

    佢坐低，校服裙刚好盖过膝盖，书包放枱面，上面有个极细嘅HelloKitty锁匙扣。

    我继续低头画，但手突然唔听话，线条画到歪晒。

    佢望过嚟，细声讲：

    「你画得几好喎